«S'isch früelig, in winige Chü sind uf de Waid»

«S'isch früelig, in winige Chü sind uf de Waid»

«Da-pa-pa, da-da-da-da-da-da-da-da-da-da-da-da-da-pa-pa, pa-da-da-da»

S'isch Früelig, in Wiinige d'Chüe sind uf de Weid

D’Räbe wieder schön ihri Blüete treit

S’git es Fäscht, alle sind debii

Ob mit Wasser oder Wii

S’ isch Summer in Wiinige, vo obe brännt d’Sunne

Mer gumped zäme in Linde-Brunne

Ob chlii oder gross

Bi eus isch immer öpis los

Euses Wiinige

Da git’s vieles z’gseh

Und no viel meh

Aarau oder Bern, uf Wiinige chunsch gern

Öb Löie, Linde, alles wirsch finde

Chur oder Brugg

Ob lätz ob rund, ob Chatz oder Hund

Aarau oder Bern

Öb Loie Linde, alles wirsch finde

Chur oder Brugg, uf Wiinige chunsch zaugg

Ob lätz ob rund, ob Chatz oder Hund

Im Limmattal simmer alli dehei

Im Limmattal isch niemert ellei

Im Limmatal sinmer mer ali dehei

Im Limmattal isch niemert ellei

S’ isch Herbst in Wiinige, s’git riifi Truube

Die tüemer alli i d’Fläsche schruube

S’git Suuser oder Wii

Bim Wümmet sind alle debii

S’ isch Winter in Wiinige, de Hoger durab

Min Schlittä isch scho lang parat

Am Chränzli machsch de Spagat

A de Fasnacht bisch Pirat

Euses Wiinige, da git’s vieles z’gseh

und no viel meh

Aarau oder Bern, uf Wiinige chunsch gern

Ob Löie, Linde, alles wirsch finde

Chur oder Brugg

Ob lätz ob rund, ob Chatz oder Hund

Aarau oder Bern, uf Wiinige chunsch gern

Ob Löie, Linde, alles wirsch finde

Chur oder Brugg, uf Wiinige chunsch zrug

Ob lätz ob rund, ob Chatz oder Hund

Im Limmattal simmer alli dehei

Im Limmattal isch niemert ellei

Im Limmattal simmer alli dehei

Im Limmattal isch niemert ellei